caramel

ito ay isang masayang araw. pasko na!!!! yahoong-yahoo!!!!
har! har! har!

kausap ko si ditse kanina sa ym.. at ang tanong ng mahadera kong kapatid... baket daw parehas kaming har har har kung tumawa ng bunsong kapatid naming si ganda. sabi ko... eh sister eh! san ka pa? kaya dapat pag tatawa ka, har har har na din para kumpleto na ulit ang mga anghel ni charlie. HAR! HAR! HAR!

seryoso... masaya 'ko kase nakita ko si mannix pagkatapos ng mahabang panahon... hmmm... kung mahabang panahong maituturing ang pitong taon, eh di sige... mahabang panahon nga!!!

ni sa hinagap [ika nga ni jonie], hindi ko naisip na makikita ko pa sya ulit. alam kong nandyan lang sya... medyo nasa malayo pero nandyan lang. nagpaparamdam pero malabong makita. parang multo. parang pangarap na pwedeng abutin pero mahirap. pero kanina, nag text ang lolo... hihintayin daw nya ko sa galleria ng lunch time. aba! magmamaganda pa ba 'ko? syempre hindi na. maraming beses na 'tong nangyari pero hindi natutuloy. papalampasin ko pa ba eh andun na sya? syempre... go fly ang lola!

sa mga malalapit kong kaibigan... alam nila kung ano si mannix sa buhay ko. at malamang, alam nila kung gaano ako kasaya ngayong nakita at nakasama ko sya ulit.

dalawang oras. dalawang mushroom soup. isang family pan pizza. isang basong iced tea. isang basong pepsi. at 'sangkatutak na kwentuhan. nagtawanan. binalikan ang nakaraan. [uyy... nakaraan daw hehe] nagsenti. nagtitigan. naghawakan ng kamay. nag... kwentuhan ulit. pitong taon yun! kung isasama sa bilang ang halos tatlong taon na magkasama kami dati eh pumapalo ng sampung taon ang pinagusapan namin sa loob lang ng dalawang oras.

ang saya-saya!!!!

pero ang saya, napalitan ng lungkot nung kailangan na nyang umalis. ang hirap ngang bitiwan ng kamay nya nung kailangan na naming maghiwalay. ang lungkot dahil kakaunti lang yung oras na magkasama kami. bitin. kulang. ang lungkot din dahil aalis na sya at hindi ko alam kung babalik pa. kung babalik man, kelan? pagkatapos ng pitong taon ulit? ang tagal naman nun. pwede ko sya'ng bigyan ng dahilan para bumalik agad. sagutin ko lang ng OO ang tanong nya KUNG PWEDE BA, sigurado, babalik agad yun. may kasama pang pramis! pustahan pa tayo kung gusto mo?!?

nami-miss ko na sya. totoong buhay. pero ngayon lang 'to. bukas, balik sa dati ang ikot ng mundo... na parang walang nangyari.